بعدما اكتشف لانسبكتور الطاهر انو عائلة سلمى فا اليكول كرات قاتل محترف باش تنفذ عملية ازوط الشهيرة... كلف لابرانتي أن يكثف تحقيقاتو في ريف كتاب القراءة... ويبدو أنه الشخصيات الشريرة كامل لاعبينها عاقلين وجايحين.
لابرانتي بعد ما تنكر في زي مية وستة الشهير... راح يدور واذا به يكتشف الحقيقة المرة طرطور الغبي يقاري قدامو بسيري 6... منين جابها الحلوف هذا اللي كان يزرع الفول... بسبسلو وقالو نكري لعمري فالشيراطون... لابرانتي دار نحا الحايك... وقالو طرطور... أنت تاع وجهك الشيراطون يا البقار... انت كارت ناسيونال وماعندكش... انت لوكان تروح تبيع الفول للشيراطون ما يقبلهوش من عندك... انت مقبوض عليك أيها الحلاب الشقي
وكل هذا خاطر لابرانتي شك بلي طرطور هو القاتل المأجور اللي خلصاتو عايلة سلمى فا اليكول باش يقتل عمر تاع كتاب القراءة... وفي اللحظة اللي كان يدير لابرانتي ليمينوت لطرطور... جا الفلاح العجوز جايز بالتراكتور تاعو... كي شاف طرطورنخلع... قالو طرطور الغبي الللي ما يسعاش عشاة ليلة ولا يدور فالسيري 6؟؟؟ وهو التراكتور ماكش يعرف يشعلو؟؟؟
وهنا زادت شكوك لابرانتي حول طرطور... وقرر اقتياده إلى السجن.
في السجن لاحظ لانسبكتور أن سلمى فا اليكول كي شغل ما تعرفش طرطور كامل... هو راه يخمم هل راهم يمثلو ولا صح ما تعرفوش
ترقبوا الصدمة الكبرى في الحلقة القادمة... حين يأتي المساج الخطير في بورطابل لانسبكتور
Aucun commentaire:
Enregistrer un commentaire