الحلقة الخامسة: الرسالة المسروقة من عمر ازوط

بعد ما ألقى كونان القبض على عائلة سلمى فا اليكول بتهمة تدبير حادئة ازوط... تم نقلهم إلى سركاجي ليتولى لانسبكتور الطاهر التحقيق في القضية
لانسبكتور لما بدا يحقق اكتشف انو صح عائلة سلمى فا اليكول هي اللي دبرت الجريمة بصح ماشي هوما اللي نفذوها.. واتضح أن سلمى فا اليكول طايحة في عمر وهوماكش يديها فيها... والأسباب تاعو واضحة هي فا اليكول في الكتاب تاع السنة الرابعة وهو ازوط في السنة الثانية... وزيد بالزيادة عمر كان في علاقة مع ماروكو... كان يبعثلها البراوات ّويكتبلها الشعر
مرة كتبلها برية وسرقتهالو سلمى فا اليكول مالكرطاب
ويقول في الرسالة:

-->

لا فيسبوك ولا امسان ينسيني فيك

ولا بارابول ولا نيميريك يلهيني

فانت ماروكو حبي الأول والأخير

ارجوك في السكايب أجوتيني

وهذي تبريحة بزوج ايدادا ايدادا ايدا ايدا دا دا وخمسة ازوط في خاطر كامل الحبايب... حبيبك
عمر تاع كتاب القراءة

وعلى ذاك حقدت عليه سلمى فا اليكول...وقررت تنتقم... ورات البرية لخوها نسيم ايمنام وقالتلو اوماغ دو ليفغ دو لا ليكتيغ مو دغاق تي دوا لاغيتي... وبهذا ايمنام قرر أنه يوري الزنباع او ايل سو فون(وين يتباع اون فخونسي)... ودبر بمساعدة خوه نبيل الكابتن ماجد وختو الكبيرة أمينة وردة الجزائرية العملية... ولأنهم أنانيش لازم يكرو واحد ينفذ العملية
كل هذا توصل له لنسبكتور الطاهر وحدو في غياب لابرانتي اللي كان في مهمة لكن شكون اللي كلفاتو سلمى فا اليكول بتنفيذ العملية؟ وواش هي مهمة لابرانتي؟
هذا ما سنعرفه في الحلقة القادمة

يمكنكم قراءة الحلقة السادسة من هنا

http://omarizwit.blogspot.com/2013/04/blog-post_4005.html 

أو كل الحلقات من هنا

http://omarizwit.blogspot.com/2013/04/blog-post_3655.html